16 décembre 2006

A L'OLMU !

U LAMENTU DI L'OLMU Originally uploaded by PP1.
Aïo, un lascèmu miccà à Ghjanbati solu sott'à st'olmu.

publié par U cuccu @ 01:27   1 commentaires

1 commentaires:

À 11:49 , Anonymous Anonyme a dit...

Estru paisanu

Zirinu campichjava in paese travagliendu à stonde quindi è quallandi è fendu l’ortu, à a bella stagione. U chjamavanu Zirinu perchè ghjera un pocu estrosu, un pocu stranu ; ùn facia nunda cum’è l’altri. À ellu, li piacia u lettu a matina è a sera, dopu cena, u so piacè, ghjera di stassine à l’adore di u focu è di scrive, nant’à un librettu, ciò ch’ell’avia fattu u ghjornu stessu. Di libretti ne avia digià parechji ma ùn si pò micca dì ch’ellu scrivia per qualchissia postu ch’ell’ùn avia nè figlioli, nè fanti, nè moglie benintesu. Ghjera un vechju figliu chì campava di nunda è chì scrivia…per ellu solu. In casa soia, stretta di nentru è alta di cima, ùn ci ghjunghia mai nimu per via di e scale troppu arritte, da strappassi u collu, faloni. In più, avia sceltu di stà à l’ultimu pianu chì quassù ci era un fucone cù a so grata è l’aquaghjolu cù un nichjulu accantu per a sechja di l’acqua. Quella sera, Zirinu avia lavatu i so piatti è, cum’è di solitu, avia messu i stuvigli à asciuvà nant’à a sponda di a finestra. Poi, s’era messu à u fucone, cù u so librettu apertu annant’e dinochje. In più bella, si sentì una sbuffulata di ventu è un tintinnulime in a stretta. Zirinu corse à a finestra. Tutti i stuvigli avianu pigliatu ghjò, fora un piattu chì si ne stava in imice, ùn si sà perchè nè cume. Allora Zirinu, calmu calmu per una volta, li dete una puntata di a so manu, dicendu : « è tù ti vergogni ! ». Poi si ne vultò à pusà à u fucone è nant’à u librettu scrisse, in lettare maiò : « dumane, dui piatti à cumprà ».



Quelli chì hanu cunnisciutu u spiritu paisanu di tempi fà, sanu ch’ell’ùn tenia micca ind’un discorsu (cusì pocu era u dì) ma piuttostu in corte parolle cappiate cum’è una fucilata. Grossu Minutu ne fece un’arte maiò. Avete sicuramente ricordi di certe cacciate estrose chì chjosenu prestu u saccu di a discursata. Ci feria un gran paiacè di leghjele quì. (Jbg)

 

Enregistrer un commentaire

Abonnement Publier les commentaires [Atom]

<< Accueil